Suluk Panji


SULUK PANJI

ASMARANDANA

1.            Kasmaran ku suluk panji
      nyarios ilmu utama
      asal tina kitab kahot
      Bahrul Kutub kasebutna
      mulana da basa jawa
      disundakeun ngarah lulus
      runtut basa jeung dangdingna

2.            Upama hayang tingali
kana jatining Pangéran
sayaktosna kudu baé
nurut saré’at Muhammad
utusan maha mulya
nu kénging rahmat Yang Agung
ti dunya rawuh ahérat

3.            Sarat kudu rosa muji
satemenna éta sar(é)at
jeung tarékat hiji kénéh
hakékatna henteu pisah
reujeung ngaran ma’rifat
opatanana geus kumpul
teu beunang dipisah-pisah




4.            Saré’at kudu kaharti
tepungan reujeung yang sukma
saenyana tarékat téh
tepungna lisan jeung manah
anu ngaran hakékat
tepungna roh sareng kolbu
ari tegesna ma’rifat

5.            Tepungna roh jeung Yang Widi
poma-poma mangka terang
éntépkeun mangka parélé
jeung ku/dukeun heula                               
ihtiar méméh ilang
taroskeun ka nu geus ampuh
waspada rasaning kitab

6.            saré’at caturkeun deui
luguhna bangsa carita
hal rukun Islam sakabéh
ngucap kalimah sahadat
reujeung ngadegkeun solat
jakat piterah sareng saum
munggah haji ka baétullah

7.            nu ngajenengkeun utami
geus tangtu dirina mulya
sareng ………saréat téh
nu ………. malem nyépak
na sung alam manusa
kakeuna/an dahar inum                              
réa garwa jeung babanda
8.            Ilmu énal yakin
éstu kanyaho nu nyata
nya éta upamana téh
jalma beunta eukeur leumpang
leumpang sisi lautan
ningali sagara gunung
éta kitu upamana

9.            Lapadna Illabillahi
satemenna hanteu aya
nu ngawisésa ka déwék
anu ngadamel ngan Allah
éta sahna agama
disebut alam malakut
henteu napsu henteu sahwat

10.        Ngan wungkul nyembah jeung muji
ka Allah anu kawasa                                    
mun aya anu meupeuh téh
teu watek males mahala
malah-malah sampingna
dibikeun pinangka buruh
muruhan nu meupeuh téa

11.        Hakékat mah hakul yakin
tegesna nyatanging nyata
nya éta upamana téh
jalma asup ka sagara
sarta mandi di dinya
tangtu baseuh sabab ancrub
dalilna nyebut fa anna
12.        Lahaola illa billahi
tangtuna hirup sorangan
sarta Allah hirupna téh
teu ngaharep ka suwarga
teu sieun ku naraka
disebut alam jabaruh             
tegesna kersaning Allah

13.        nu kitu lamun digitik
sampingna dipaké ngupah
nyodorkeun canggégé
ngahormat ka nu mahala
éta lampah utama
bagja cilaka teu émut
cengeng madep ka Pangéran

14.        Ma’rifat a’malul yakin
teges sampurnaning nyata
nya éta upamana téh
jalma di jero sagara
kalem teu katingalan
malah caina diinum
geus kocap di jero kitab

15.        Cipta wujud Ilallahi
tegesna geus henteu aya
teu sarua jeung nu séjén
anging Allah anu aya
teu pisan owah cipta
mungguh dirina sakujur
pernahna nangis baé
16.        Mun diteunggeul mun digitik
muruhan jeung teu ngarasa
kawas budak leutik baé
teu rasa dosa dinosa
teu ngurus tatakrama
dingaranan jalma laut
henteu kénging dicacampah

17.        Henteu aya nu ningali
salian Allah ta’ala
babari minangka hésé
babari mungguh di Allah
hésé mungguh di jalma
misaur jatining ilmu
upama henteu ihtiar

18.        Karana mungguhing hurip
sakabéh ti Nur Muhammad
Baétal Mukdas pernahna téh
nyaéta opat perkara
hideung konéng beureum bodas
tuluy éta karep enur
ngaran tulis tanpa papan

19.        Barang nétés enur tadi
kapapat ngaran waruga
manjing curiga éta téh
beunang ogé / dingaranan                          
ngaran soca kumala
jeung disebut Bahrul Kutub
tegesna sagara samar
20.        Ayeuna caturkeun deui
waktu nyantél dina aras
di baétal mukdas geus ngésér
maningkem éta ngarana
ti dinya tuluy pindah
disebut ka baétal ma’mur
enggon suwarga naraka

21.        Jeung ayana aras kuri
loh kalam uga di dinya
tuluy pindah deui enggon
kana halis duanana
nyaéta dingaranan
Baé/tal Ihram nu disebut                              
nu anom mangka arawas
















SINOM

  1. ari pindahna ti dinya
kana bulu soca ngalih
dingaranan tali rasa
jeung sagara tanpa tepi
ség pindah kana biwir
nur cahya ngaran nu mashur
jeung disebut nur jum’ah
pakumpulan rasa jati
tuluy pindah éta enur ka raray

  1. dingaranan tangkal pisan
atawa purnama sidik
ku sarangéngé ka/surupan                          
ti dinya geus pindah deui
kana tempat sahiji
gedong kastuba disebut
nyataning rosul téa
ngarana opat perkawis
nu sahiji cai hanteu disebutna

  1. cai asin kaduana
nu katilu cai pait
cai hanta kaopatna
pangawasa anu tadi
ti dinya pindah deui
kana urat nu disebut
nya urat beuheung téa
anu dingaranan wahid
satemenna wahid walloh nya tunggal                      
  1. sagara ranté ngaranna
nu matak tonggong ditulis
ari tutulisanana
La illa ha illallah
éta teu aya deui
tina kawasaning enur
jeung puguh tutulisan
dina harigu pirbadi
éta anu dingaranan dingding jalala

  1. éta nya Allah unina
kitu asalna pirbadi
eukeur waktu enur pindah
gingsir deui kana ati
nama Allah sajati
kocap deui éta enur
pindah ka ati puad
ngaran Muhamad haké/ki                          
lunta kana jinem rum éta pindahna

  1. dingaranan gedong samar
pindah tina jinem tadi
kana lalangsé pindahna
ucap tanpa sora dohir
pok lain sora lain
ség tuluy jumeneng tangtu
nongat tegesna pisan
dingaranan mah na alif
ari alif satemenna éta sifat


  1. geus teu pisah reujeung datna
sanggeus kitu enur tadi
seug tuluy sujud harita
ka Gusti nu/ Maha Suci                               
teu lami balik deui
enur tuluyna disebut
Sang Panji Murdaningrat
ti dinya geus pindah deui
ditutupan lintang sahud disebutna

  1. kana puseur enggeus dongkap
di dinya geus nelah deui
disebutna lintang johar
tina puseur pindah deui
ka gedong nu sajati
disebut taqdiru Allah
papastén tingkah polah
pameget atawa isteri
laku lam/pah bagja sareng cilakana           

  1. Gedé ti manan sahadat
jawab  ku manéh kagasik
nya éta nu ngaran Allah
leuwih gedé batan saksi
sabab sagala rupi
kudu jeung saksi Yang Agung
éta saksi utama
sapuluh pinangka saksi
pasti kapir mun teu maké karana Allah


  1. Réya ruksak ku baraya
mulya ku sanak pirbadi
éta masing pada awas
nu ngaran sanak pirbadi
cai bumi jeung langit
sarangéngé/ lintang jeung syamsu  
seuneu sareng jagatna
saeusining bumi langit
enya éta nu ngaran jatining sanak

  1. Ari cék anu mamaca
nu ngaran sanak pirbadi
adi lanceuk jeung misanan
uwa paman jeung pernah nini
malah tepi kana buyut
kitu nu ngaran sanak
tapi kersa Radén Panji
sakabéhna éta mah ngaranna bangsa

  1. Lain kitu ngaran sanak
malah éta matak pusing
megat darajat ahérat                                                
jeung megat darajat dohir
dihadéan henteu hasil
kitu saur Murdaningrum
anggur cicing jeung to’at
anu ngaran pangabakti
henteu lian kajaba sembah ka Allah



  1. Ulah salah dina manah
lain nyaram hadé dengki
reujeung sanak barayana
nyaéta kudu lastari
ka sanak kulawargi
supayana jadi lulus
runtut patut ilmuna
malih salameting diri
ti dunyana rawuh sampé ahératna

  1. mungguh/nu nyembah ka Allah                
teu kalawan leungeun deui
ta maké nyium sampéan
ngan enggeus uliking galih
ulah rék pegat muji
usik dina jero kalbu
éta nu satemenna
taya dua dina diri
hanteu aya nu nimbang sami jeung urang

22.        pangandikana Yang Sukma
mun henteu ngadamel kami
bangsa ejin[g] jeung manusa
anging nu nyembah ka kami
mungguhing sembah tadi
nu ngasahkeun ka Yang Agung
ari tegesna esah
nyaéta aya deui
kaya tahan/ ucap panggatota tunggal                   


23.        Aworna gusti kawula
lir cai walungan palid
nu ngocor ka sagara
geus kumpul hanteu jeung asin
éta mah kaupami
tunggalna alif jeung mahluk
éta nu satemenna
dingaranan insan kamil
enya éta manusa nu geus sampurna

24.        tegesna manusa Islam
nu geus nepi kupar-kapir
nu geus tinggal sapénganna
henteu ngurus pardu wajib
antara iman tohid
ma’rifat/ islam teu ma’lum              
henteu pisan ngarasa
dirina muji ngabakti
teu ngarasa dirina téh (x) jadi kufar

25.        mun manéh tacan uninga
taroskeun ka nu mangarti
poma ulah mangmang manah
ku sabab tacan tingali
jaga sing ati-ati
kanyaho jatining ilmu
ulah sieun ku harga
mangka asrat kana jisim
ngalampahkeun manisna nu kumawula


DANGDANGGULA

  1. Kocap deui éta Radén Panji
lajeng siram/ maka lian abdas                    
sareng garwana ngadérék
nikukur mawa anduk
nyandak sabun wangi jeung canting
kersana ngiring solat
saparantos wudzu
lajeng solat sasarengan
raka rayi salat dina parmédani
rakana nu ngimaman

  1. waktu ngadeg tina nu mimiti
mayun kiblat ngaran tatakerama
dina tingal henteu sanés
tunggal kersaning qolbu
nu didongdon usikna ati
seja madep ka Allah
ka pangkonna yang Agung
per/lambangna madep kiblat                      
satemen(n)a mungkir ka nu maha suci
éta kiblat utama








  1. ngangkat niat harita dipusti
kadua tangrul (?) nangis katingalna
di jero awi sembah téh
sareng taqbirna husu
hurup nu dalapan geus leungit
disebut mukaranah
paningal … gulung
kalindih ku nu disembah
enggeus miroj sembahna geus jadi hiji
sembah sinembah tunggal

  1. tahiyatna éta Radén/Panji                           
ngahaturkeun puji ka pangéran
munajat satemenna téh
mungguh lisaning mahluk
keur lantaran dohiron Gusti
puji nu muji urang
perlampahna kitu
sapocapan jeung pangéran
taya dua jatina manah ngan sahiji
nya éta anu murba

  1. jeung disebut nu ngaran tubadil
satemenna éta tingkah polah
nyata geus kagentén kabéh
kaganti ku yang Agung
sembah urang sirna bersih
lir saréating bén/tang                                   
hukumna geus gempur
ku serngéngé kasorotan
sirna béntang enggeus jadi beurang deui
éta hukum Kaula
  1. Panji maos Alhamdulillahi
kabéh puji kagunganing Allah
Pangéraning alam kabéh
anu murah ka mahluk
anu asih ka bangsa mu’min
jaga alam ahérat
nya nu maha Agung
pupuntangan sadayana
ngaluluskeun paneda abdi-abdi
nu diasih ku Yang Sukma

  1. dijauhkeun ti/ nu rumpil rumpil                 
dituduhkeun kana marga padang
saperti jalan nu saé
kakasihna Yang Agung
para nabi jeung para wali
ulah cara jalan(n)a
jalma kafir kufur
kawula nu bangsa sasar
Yahudiyun nu geus kabendon ku Gusti
Tina lampah jurjana

  1. Patingkahna enggeus dipilahir
Radén Panji maos éta Qur’an
teges ruku mangka kaharti
ngasorkeun jiwa raga                                   
harita nunuhun
rupa langgeng ka Yang Sukma
mun teu lulus
pangampuraning Yang Widi
maratkeun salilana
  1. Ngangkat asta harita Dén Panji
Gusti Alloh mireng piunjukna
abdi-abdina sakabéh
Dén Panji lajeng sujud
Panggaota kawas paranti
Babahan pancadriya
Pasrah ka Yang Agung
Panggaota anu mulya
Lir upami cai walungan nu palid
Geus ngocor ka sagara

  1. Enggeus ngangkat si/rah Radén Panji                    
bari lungguh sarta tumaninah
nurut sakersana baé
percaya ka Nu Agung
anu sipat gofururohim
sujud dua kalina
cara tadi kitu
ngadeg rakaat nu awal
enggeus jejeg rokaat kadua kali
maos tahiyat sunat

  1. Sunat af’al disebut ku santeri
Éta wajib urang kudu terang
Aya tilu réana téh
Sunat ‘ab’al kasebut
Lamun po/ho ség sujud sahwi                    
Geus kocap dina kitab
Jatina sing ma’lum
Lungguh tahiyat salawat
Enya éta ngarana af’alulloh
Jejeg tilu perkara
  1. Sipat iman amantu billahi
Ari enggeus panarima Allah
Teu aya pangéran sanés
Ngan ahadun wahid
Ngabogaan anéh pirbadi
Aya ayana tunggal
Manéh éta lain aing tapi kami
Tanda nyata/ Pangéran                               

  1. Sarengna wamalaikatihi
Saenggeusna malaikat Allah
Warna-warna tingkahna téh
Aya nu nyembah sujud
Sareng aya nu nyembah muji
Teu ibu henteu rama
Teu dahar teu nginum
Henteu napsu henteu sahwat
Lain isteri
Pameget éta téh lain
Geus gumelar di dunya

  1. Nu katiluna wakutubihi
Enya éta kitabna Pangéran
Satus opat kabéhna téh
Ayeuna anu mashur                                     
Kitab Qur’an nu jadi milik
Panutan sajagat rat
Gusti kanjeng rosul
Dén Panji nékadkeunana
Kitab Qur’an
Sabdana nu maha suci
Lain mangsi na daluwang
  1. Nu kaopat nya warusulihi
Satemen(n)a para rusul téa
Opat réwu réana téh
Jeung punjul tilu ratus
Leuwihna tiluwelas iji
Ari nyepeng sarékat
Genep nu kasebut
Saperti ieu di handap
Adam Enoh/ Musa Isa jeung Ibrohim        
Muhamad nu panutupna

  1. Kalimana walyomil ahir
Satemen(n)a poé panganggeusan
Sirnaning alam sakabéh
Poé kiyamat tangtu
Saadegna awak pirbadi
Éta dunya ahérat
Sadayana kumpul
Dianggangkeun meureun anggang
Dideukeutkeun tangtuna jadi sahiji
Jauh deukeut mengkuna

  1. Nu kagenep wal kadri wasamrihi
Papasténa Allah
Panarima hadé goréng
Ka/béh ti Maha Agung                                
Mina ajali wal abadi
Asal tina tayana
Tepi kana wujud
Kitu tékad nu utami tina kitab 
faktul fatahul parail mu’min
Ti Abdulloh mijilna
MIJIL

  1. Ngabijilkeun I’tikad sajati
Mungguhing Yang Manon
Teu di kidul teu wétan teu kalér
Najan beulah kulon geus sepi
Di handap nya sepi
Teu aya di luhur

  1. Henteu aya di tukang di gigir
Di payun nya kosong
Di handapeun luhure(n) nya réhé
Ditéangan teu daé(k) ka/panggih               
Di darat di cai
Weléh teu katimu

  1. Cék nu luhung dibuktikeun bukti
Tapi teu katénjo
Éta saur matak bingung baé
Matak kudu guru ka nu tasdik
Terang dhohir batin
Manusa nu luhung

  1. Pertandana Gusti maha suci
Yaktosna geus jongkot
Taya pédah diimankeun baé
Ka anyarna réh mungguhing diri
Dikumaha deui
Sénggana teu ngantun


  1. Nu di wétan katingalna sepi
Diboro teu témbong
Tingkah polah/lir wayang sakabéh            
Cengeng meleng kana lahir jeung batin
Kawula sajati
Teu pisan sakutu

  1. Enya éta lungguhna para wali
Jeung mu’min nu kahot
Éta kitu sampurna sakabéh
Tenggem nepi alam kufar-kafir
Islam sareng kafir
Tingkah polah wujud

  1. Ulah kéna aya dina tulis
Kadaék tataros
Henteu cukup dina tulis baé
Lamun téstu teu acan mangarti
Jadi nyiksa diri
Wajib boga/guru                                          

  1. Nya naroskeun ka nu geus mangarti
Nu geus ahli raos
Gagal lamun teu kapanggih téréh
Milih guguru nu leuwih mangarti
Awas kana pati
Pupus méméh pupus




  1. Anu mawi dadamelan widi
Teu nganggé parabot
Béda pisan jeung urang digawé
Maké rimbas baliyung ragaji
Mungguhing yang widi
Teu kalawan kitu

  1. Poma-poma ulah salah harti
Sing awas persehot
Éta basa langkung tina hésé
Lain pisan rasa nu sajati
Pikir masing lantip/                                     
Salebetna kolbu

  1. Jalma maot nu islam nu kapir
Jasmanina bosok
Lebur ajur bada(n)na sakabéh
Cék nu nyebut asal tadi bumin
Jeung sakabéh jisim
Mowal jadi sirung

  1. Cék sawaréh anu nyebut deui
Éta jisim awor
Mun geus asup kana kuburna téh
Urat lamad tulang daging kulit
Ngahiji jeung bumi
Katut bulu-bulu




  1. Béda sareng nu maot sajati
Dikuburna ngenggon
Maot sotéh awar-awar baé
Henteu sanés ni’mat nu kapanggih
Lamun geus ningali /                                     
sajatining kubur          

  1. Kubur geus kalakon
Geus dicatur titadi sakabéh
Hadé goréng geus dibanding-banding
Duanana sami
Aya na taraju

  1. Papadana roh kana jisim
Tangtuna karaos
Dina jero kubur sajati téh
Di waktu ngawuruk Dén Panji
Pawejangkeun ilmi
Mapan tina saur

  1. Geura manah omongan nu tadi
Mangkana karaos
Wot siratal nya di dinya kénéh
Tina awal nepi kana ahir
Terang sareng peuting
Jatining kaweruh

  1. Suwarga/ naraka tingali                                
Ku paningal jongjon
Dunya ahérat kawengku kabéh
Kitu deui aras sareng kursi
…kalam geus bukti
Di awak sakujur
  1. Paéh hirup nya kaboga Kami
Mungguhing nyang manon
Ngahirupan maéhan sakabéh
Ngan karaos dina jero ati
Éta boga kami
Gusti kanti wuwung


























KINANTI

1.      Geus gemberod anu nyarebut
Nya éta nu ngaran dikir
La illaha illalloh
Muhamad rosululloh
Hartosna taya pangéran
Ngan gusti nu maha suci

2.      Muhamad/ anu diutus                                
Ari puji Radén Panji
Ma’na lafad laillaha
Taya lian awak kami
Illahi ngan awak urang
Pinuji utusan Gusti

3.      Minangka tersanda wujud
Kacaahan Maha Suci
Sabab tingkah polah urang
Musik mobah teu kapanggih
Nyalindungna dina awak
Kapindingan ku jasmani

4.      Napi isbat (?) nu kacatur
Ari taya éta napi
Nya isbat ta anu aya
Anu napi awak kami
Isbatna mah awak urang
Tapi urang lain Gusti


5.      Anging dat wajibul wujud
Henteu aya nu ngamisti                               
Anging ayana yang sukma
Ayana kumaha deui
Reujeung nu ngayakeun tunggal
Dat sipat asmana sami

6.      Ibarat dalang geus manggung
Kelirna enggeus ngadingding
Wayangna enggeus ditata
Tatabeuhan melas-melis
Moncorong cahya damarna
Mintaraga nu digending

7.      Waktu arjuna tafakur
Dina guha banting diri
Lali ka purwadaksina
Teu lian nu ditingali
Ngan anu murba wisésa
Gusti anu Maha Suci

8.      Teu tolih diri sakujur
Ngagiligkeun sembah puji
Mandeng pucuk panga/bungna                 
Sidakep sinuku tunggal
Maéhan kabéh babahan
Nyirnakeun lima perkawis




9.      Aya saur teu digugu
Ningal hanteu ditingali
Ngambeu hanteu diambeungan
Lahiran teu dipilahir
Jengjen madep paningalna
Nunggalkeun ciptaning ati

10.  Ngalampahkeun pakon guru
Sang Yang Sang Peramésti
Ka suwarga diunggahan
Ku buta nanyaan putri
Nu ngaran Déwi Suparba
Arjuna nu majeng jurit

11.  Harita perangna unggul
Arjuna lajeng dilandih
Nami Bangbang Mintaraga
Atawa Perbu / Kilitik                                               
Miwah radén Dananjaya
Sareng Kumbang Ali-Ali

12.  Mudu Ganda Madusupu
Nami Radén Werdiningsih
Atawa Radén Janaka
Jeung Merta Wijaya nami
Béda-béda panglandihna
Raosna mah ngan sahiji




13.   Mana I barangna wujud
Damarna ngawengku ringgit
Wayang ngawengku ka dalang
Dalang ngawengku ka kelir
Kelirna a’yan sabinah (?)
Nganyatakeun wayang tadi

14.   Lamun damarna geus hurung
Éta panarima ati
Caang Allah bétan damar
Itikad anu utami
Nabi wali sadayana
Nu kénging pangkat Yang Widi
15.   Gamelan ramé/ ngaguruh                              
16.   Ketuk kenong siligenti
Kendang gong gangsa disada
Gambang barung lawan suling
Saron kawas calapita
Ayana pangucap biwir

17.   Pangucap atawa saur
Minangka gamelan muni
Jati-jatining gamelan
Nyukma kanu ngaran gending
Raoskeun mangka waspada
Tanda geus jadi hiji

18.   Onto.. nyebut ka Yang Agung
Mun nyatana geus kapanggih
Poma mangkana waspada
Ulah pisan salah tampi
Sedeng nu ngaran gamelan
Kanyata hanteu kapanggih
19.   Najan kahalangan gunung
Lamun jodo tangtu hasil                                 
Teu jauh awak sorangan
Jeung sanajan tunggal gusti
Henteu pageta tunggal rasa
Rasana jadi sahiji

20.   Andika urang nya kitu
Urang téh andika sidik
Duanana geus satunggal
Campuh kawula jeung Gusti
Pisah lamun kahalangan
Kandeg ku rupaning jisim
21.   Dasar mashur rada muncul
Pangmuncul-munculna santeri
Doraka nanggung ganjaran
Poho kawengku ku dikir
Sungkan pajingjing ibadah
Éta santeri nu sajati

22.   Nu maca ulah kaliru
Béh dieu ka ati-ati
Kurang-kurang panalarna                              
Temahna ambala éti
Tanyakeun ka guru heula
Bisi sasar lahir batin

23.   Ulah waka gancang Sang Gung
Mun teu terus kana ati
Buhaya saba daratan
Awak teu beunang dipasti
Lamun acan tunggal tingal
Teu tunggal rasa mo jadi
24.    Sareng ulah waka nyaur
Pikiran heula ku ati
Pada-pada sasauran
Mudu beunang tur patitis
Tunggalkeun ati jeung rasa
Hartina mudu jeung muni

25.    Hideng anu henteu weruh
Kadangu henteu kakuping
Duanana teu ngarasa
Jatina ngan Radén Panji
Endog di luarna bodas
Di jerona pasti kuning

26.    Gendangna geus/ ngagelendung                                              
Pasemona nu ngagending
Satemenna ngalanglang
Ka nu kasanding na diri
Kasandung mun geus disandang
Ditanding ku nu sumanding

27.    Salira Dén Panji kitu
Pakeun ibarat jeung misil
Digentos jenenganana
Ngadangu suluk sajati
Bodo kawas bijaksana
Bodo cék nu tacan ngarti

28.    Pinterna cék nu geus punjul
Waspada rasaning ilmi
Mun bodo ingetanana
Moal bisa nganggit gending
Tuladan anu utama
Teu kumambang lahir batin
PUPUH MASKUMAMBANG/                             

1.      Poma-poma laku lampah sing patitis
Ulah lalawora
Néangan anu sajati
Héséna kabina-bina

2.      Béas bubuk sumbilang nu maké taji
Tepungna salira
Sidik léléwa ning Gusti
Kaula mangka pertanda

3.      Dodogula poma sanak ulah lali
Purwa jeung wekasan
Tangtu sangsara nya diri
Mun keur hirup teu kapendak

4.      Tina sabab sapolah tingkahing diri
Enggeus kaliputan
Ku Alloh anu sajati
Tétéla tina atina

5.      Paribasa cai bijil tina jisim
Inget salawasna
Anu poho ka Yang Widi/                                        
Hal iman masing peryatna

6.      Enya éta kudu turut kanjeng Nabi
Lampah nu sampurna
Ulah tinggal solat daim
Sampurna jeung saré’atna
7.      Mangka awas kana rupa jiwa jisim
Sabab geus kawayang
Ragana tinggal ngaguling
Sirna pulang ka asalna

8.      Mun geus mulang sukmana ka mana deui
Poma sing waspada
Aworna kawula Gusti
Marga langkung tina samar

9.      Mun deus gelar sahadat solat sing titi
Sahadat jeung solat
Panggonan wong bisa mati
Lamun nyata geus sampurna          
                                   
10.  Mangka awas ka purwa wekasan hirup
Mungguh kitab Qur’an
Cai sakeclak nu bijil
Sumengga geura téangan

11.  Cai éta carang pisan nu tingali
Kana sajatina
Nu téstu cai sajati
Wantu persemoning wahdat

12.  Éta kitu sing awas sahiji-hiji
Lamun teu uninga
Disebutna masih kapir
Pamanggihna teu (se-nun-qop) sampurna


13.  Mun geus awas dina eusi bumi langit
Tanda enggeus meunang
Darajatna para wali
Dina sajero kalbuna                                                  

14.  Kolbu éta sipatna dat nu sajati
Mu’min anu nyata
Éta astana ning nabi
Sarta minangka gedongna

15.  Sabab ati kasengsem sukma sajati
Anu teu uninga
Najan rajin muji dikir
Milang waktu sambéyangna

16.  Henteu matak nyampurnakeun kana diri
Tuturuti solat
Mun teu nyaho kana diri
Jadi sasar pangsolatna
17.  Kitu deui kasauran Radén Panji
Lamun geus kapendak
Nu ngaran jatining ilmi
Sirna sagala teu kocap

18.  Saha-saha nu geus nyaho ka pirbadi/                    
Sasat geus uninga
Ka Gusti nu Maha Suci
Rupa awakna sorangan



19.  Badan lahir tangtuna geus katingali
Ku panon kapala
Ngan éta awak nu batin
Katingalna ku kalbuna

20.  Awak lahir awak batin tacan sidik
Tapi nyatana mah
Éta meureun anu lahir
Pang wujudna lahir téa

21.  Pang wujudna sartana awak nu batin
Batin katingalan
Waktuna di jero ati
Lahir katingal ku soca

22.  Pangandika Yang  Sukma Jati linuwih
Jeung Nabi Muhammad
Diangken rasa sajati
So/sina gedong suwarga                                         

23.  Nu mukakeun kabéh lawang rasa sajati
Muhammad utusan
Kakasih Gusti Yang Widi
Panutan umat sadaya
24.  Masing nyata ka rosul nya kana diri
Sabab henteu béda
Andika téh reujeung nabi
Bédana ngan ku jenengan



25.  Enya éta rohani reujeung jasmani
Sabab Rosulullah
Jenengan badan ruhani
Tegesna leuwih sucina

26.  Mungguh lampah kanjeng nabi kang sinelir
Teu narima coba
Saderah saciptaning galih
Mun andika rék uninga

27.  Kudu tu/rut sakumaha kanjeng nabi                     
Nyirnakeun pangucap
Pangambung katilu cepil
Opat sareng paningalna

28.  Andika téh anu ngaran do idopi
Rohani badanna
Kitu lampah nu lastari
Sarta sampurna tingalna

29.  Titingalan para nabi wali mu’min
Kapungkur sadaya
Wungkul ningali pirbadi
Ka Gusti nu maha mulya

30.  Lamun henteu kalawan nabi jeung wali
Henteu kahalangan
Teu kandeg ku johar jisim
Tina leupas paningalna


31.  Lir upama tingal bulan/waktu peuting                  
Tapi éta bulan
Katingal ku panon lahir
Batin katingal ku manah

32.  Mun andika ti ayeuna henteu sidik
Ka nu Maha Mulya
Jaga-jaga ku kapanggih
Tangtu suwung ahératna

33.  Entong jauh néangan Gusti Yang Widi
Sing awas rupana
Éta rupa Maha Suci
Ulah pisan salah tampa

34.  Jalma siji sirahna baketiti
Teu manggih kaula
Kawula nyaaning widi
Nu diangken wujud tunggal

35.  Satemenna minangka paésan jati
Qolbu/mu’min téa                                        
Bumina nu maha suci
Waktuna sapatingalan

36.  Enya ayeuna na mana tilu perkawis
Tapi sing waspada
Lain ati nu jasmani
Aya nu luhur bangsana


37.  Éta nu diangken paésan jati
Aya tilu rupa
Nu kahiji wujud qodim
Kaduana qodim muqdas

38.  Wujud mutlak nu katiluna perkawis
Kieu upamana
Dalang wayang sareng kelir
Kelirna ayan sabiah

39.  Sakabéhna enggeus aya dina kelir
Teu aya kurangna
Sora gamelan kelir
Kelirna /ngucap sorangan                           

40.  Sareng deui ari satemenna kelir
Nganyatakeun wayang
Dalangna teu katingali
Kahalangan ku wayangna

41.  Jeung wayangna terang kahalangan kelir
Ucapna ki dalang
Maparin wujud birai
kana kelir jeung ka wayang

42.  mun di manah satingkah polahing diri
wuwuh carem tingal
teu pegat pulang saresmi
kagentos manising sukma


DANGDANGGULA

1.      Saleungitna pangéran téh kami
Pang pisahna sareng anu aya
Naon anu kapanggih téh
Ngan sajatining suwung
Ség / manahan                                             
Suwungna deui
Teu kénging ku pangucap
Hal jatining suwung
Teu hasil mun dimanahan
Henteu hasil cukup ku akal sareng pambudi
Mun henteu guguru heula

2.      Kudu naros kanyatahan widi
Néangan dina salirana
Sing awas ka rupa déwék
Lamun geus katimu
Saé tah sukma linuwih
Nyata di awak urang
Éta nu agung
Teu jauh awak sorangan
Ngahalangan kahalangan ku Yang Widi
Allah teu kahalangan







3.      Mungguh tingkah polahing Ki Widi
Geura manah/ti mana datangna                
Ulah jauh tingalan téh
Tingkah polah sakujur
Kudu ningal awak pirbadi
Paningal polah urang
Lain anu agung
Polah nu kagungan polah
Nu ngawengku nya éta wengkuna sidik
Poma éta kaawas

4.      Mungguh anu sampurna patitis
Enya éta nu kagungan polah
Henteu arah henteu enggon
Lir beusi anu hurung
Ség téangan beureumna beusi
Éta beureum ku saha
Lain beusi hurung
Anu hurung beureum téa
Satemenna/ anu hurung lain beusi             
Naon hartina pisan

5.      Beureum éta mengku kana beusi
Beusi éta ngawengku beureumna
Leungit rupa beusi kabéh
Warna rupa jeung semu
Narima yén ayana sami
Anu matak sampurna
Lain beusi hurung
Reujeung anu beureum téa
Lain seuneu jatina mangka kaharti
Supaya katarima
6.      Salian pasemoning ati
Henteu aya anu katingali
Cumah panarima haté
Upama teu katimu
Sajatina diri pirbadi
Ulah ngarasa héran
Ku basa/ ku saur                                          
Balikan mangkana awas
Pangéran téh dipisaur beurang peuting
Jatina teu kapendak

7.      Sanget pisan adereng dina pikir
Radén Panji kitu caritana
Nganggit tembang suluk banyu
Keukeuh maksudna kolbu
Radén Panji saurna manis
Kami téh hayang terang
Mungguh ka nu Agung
Mun hayang nyaho di Alloh
Henteu lian sing awas ka nu sajati
Ninggal awak sorangan

8.      Anu hayang awas ka Yang Widi
Geura ninggal ka na salirana/                     
Éta kitu nyatana téh
Ulah rék salah maksud
Lain raga nu ngajunggiring
Kaula jati kembar
Jeung sukma gumulung
Dina tauhidna waspada
Paribasa tani diruang ku bumi
Sarangéngé kapoyanan
9.      Aya rupa katinggal sahiji
Ngawengkuna ka opat perkara
Galatak gulutuk baé
Jeung buluk leuwih alus
Geus sadia ség jadi titik
Rangkas tur rarawisan
Tuluy kukuruluk
Mangga éta dimanahan nu mimiti
Témbong jangkung dina kulit
Bo/das konéngna aya                                              

10.  Leuwih-leuwih anu ngaran hurip
Henteu lian itikadna manah
Wungkul panarima baé
Henteu pisan ngama’lum
Yén urang téh rupaning hiji
Lir gula upamana
Jeung amisna kumpul
Teu beunang dipisah-pisah
Henteu béda rupana jeung nu ningali
Éta rupaning sukma

11.  Éta kitu tékad nu utami
Saur Radén Panji masing yatna
Pisah sareng kumpulna téh
Poma mangka kama’lum
Nya ngawaskeun diri pirbadi
Nu ayana salira
Katinggalna lembut
Nyaéta roh sareng jasad
Antara na mi/nangka lanjeuring diri                     
Éta urang sing awas
12.   Sabab tangtu geus sami ningali
Tina asal urang henteu aya
Tangtu taya deui baé
Tapi loba nu bingung
Réa anu tuturut munding
Anu saralah paham
Nya tékadna bingung
Réh asal tina tayana
Datangna ditangtukeun
Pangbalikan jadi leungit
Méh henteu karuhan

13.   Salah gedé mun tékadna leungit
Jadi lain mulang ka asalna
Mun kitu tékad teu saé
Kaémut kapitutur
Kawas nu geus kasebut tadi
Merlukeun guru heula/                                  
Ka jalma nu luhung
Nu geus terang sadayana
Rempug sareng ijma kias hodis dalil
Muku saréatna

14.   Mun teu kitu éta salah tohid
Ngamanahan jatining teu aya
Satemenna awak déwék
Upama tékad kitu
Tangtu taya sampurna diri
Teu aya lian cipta
Mungguh bangsa luhung
Tinggalna teu kahalangan
Poma-poma regepkeun papatah kami
Ulah rék lalawora
15.  Solat jati éta sing kaharti
Réana téh ngan tilu perkara
Tur aralus deui baé
Sem/bah puji téh kolbu                                
Satemenna lir cai palid
Ngocorna ka sagara
Kitu jeneng mahluk
Réa kandeg ku babasan
Sumawonna kaperluan solat jati
Pilihan anu uninga

16.  Jero solat geus nerangkeun deui
Lir nu ngubek cai dina dangdang
Narimakeun kitu baé
Jatina jadi pucuk
Ség rupaning sahiji-hiji
Nu euweuh jadi aya
Kawas ombak laut
Leur sakabéh urusan
Nyata sukma jatina awak pirbadi
Wani ninggal nagara

17.  Singgetna mah anu ngaran ilmi
Ka/wuspada kana seuneu ruhay                
Hurungna mangka karaos
Panasna sing kama’lum
Jeung haseupna mangka kaharti
Sing terang paningalna
Méméh seuneu hurung
Pareuman sing kauningan
Sadayana seuneu téh mangga digalih
Persemon nyata pisan
18.   Ulah pisan mangéran ka diri
Masing awas kanyatahan sukma
Tanpa jasad nyatana téh
Tong réa nu diurus
Montong ngurus nabi jeung wali
Montong ngucap pangéran
Ulah tékad suwung
Lamun sampé umur urang/                           
Hadé cicing tapi manah
Kudu dikir nu sampurna

19.   Sampurnana kawas anu guling
Saré sereng isteri sacombana(?)
Di dinya geus sirna kabéh
Aworing asih luluh
Poma éta mangka patitis
Nu ngaran panarima
Éwuh tékad kitu
Rasa kapir reujeung islam
Padep-adepan
Parandéné masih sirik
Jadi taya pédahna

20.   Patékadan dibulak-balik
Hayang hidep di jero manahna
Masing inget kana maut
Poma mudu diurus
Sukma éta pinur/jati                                      
Mapan kanti Pangéran
Beurang peuting gulung
Muji-muji ka Pangéran
Upamana ayang kakara rék ngawit
Tacan disebut dalang
21.   Aya deui silokaning diri
Beusi diruwang ku taneuh téa
Nu jadi sirung téh naon
Sakabéh kudu timu
Sakurangna lir cai palid
Henteu beunang dikira-kira
Lir nu meulah batu
Mungguh tingal kitu pisan
Urang éta dipelak ku Maha Suci
Mustahil mun sirungan

22.   Satemenna anu geus utami
Mudu titih lampah tatakerama                       
Montong ngurus anu séjén                             
Sababna anggeus puguh
Carang terang ka sukma jati
Rajeun aya nu terang
Tangtu boga guru
Lir upama cai hujan
Geus tangtuna caina ngucur ka bumi
Cileuncang disebutna

23.   Mun kudu nurut kanjeng nabi
Sabab éta pinangka pintuna
Ulah nganggé jalan séjén
Nu kitu jadi luhung
Allah sipat rohman jeung rohim
Ruket jadi baraya
Campuh jadi dulur
Anu ruket jeung Pangéran
Lila-lila baraya heubeul kapanggih
Upama geus kapendak                                   
Mungguh/ tangtu diangken ku Gusti
24.  Mun geus kitu sukmana ngandika
Naon pikarepeun manéh
Di dinya aya saur
Réh keur hayang ruket jeung Gusti
Mun pareng aya bagja
Sahajat dikabul
Laksana sapakarepan
Wantu karep geus campuh jadi sahiji
Nyata geus jadi tunggal

25.  Tapi loba nu salah mangarti
Poma-poma éta masing peryatna
Ka isining salira téh
Dina sajero kolbu
Éta gedong simpenan leuwih
Sakabéh geus sadia
Dina kolbu kumpul
Henteu aya kakurangan/ bangsa santri                 
Pilihan anu mangarti
Kana gedong simpenan

26.  Teu katinggal lian ku nu jati
Mun geus nyaho ulah rék gagabah
Temahna jadi teu saé
Lir sireum keur lumaku
Gedebugna teu katingali
Nu taya jadi aya
Ayana ku lembut
Ngarias cai misilna
Sanggeus lembut tuluy dicapék sakali
Huntu pulak kasamaran
PUPUH ASMARANDANA

1.       Dén Panji ngalahir deui
Kersa nuluykeun carita
Perkawis hak henteu sanes
Caritana waliyulloh                                                    
Waktu keur sasauran
Karumpul di masjid agung
Sunan Ampél pok ngandika

2.       Kang putra sinuhun Giri
Kumaha mungguh Kang Putra
Tina paninggal nu yaktos
Kinten sagedé kumaha
Ieu jagat gedéna
Sunan Giri pok ngawangsul
Mungguhing paninggal hamba

3.       Gedéna jagat geus sidik
Sami jeung payung teu kirang
Raos raos moal géséh
Jagat sakuriling tinggal
Sami pisan sareng payung
Sadaya katinggalan
Sunan Ampél pok ngandika

4.       Ka sunan/Bonang rumanis                                         
Kumaha mungguh kang putra
Tinggalan anu sayaktos
Jagat sagedé kumaha
Ti kulon dongkap ka wétan
Ti kalér dongkap ka kidul
Sunan Bonang pok ngandika
5.      Gedéna jagat geus pasti
Ngan sami sareng mandapa
Sakitu katinggalna téh
Henteu langkung henteu kirang
Legana ieu jagat
Tuluy Sunan Kudus nutur
Mungguh katinggal ku kami

6.      Gedéna jagat geus sidik
Sami jeung payung teu kirang
Raos raos moal geséh
Jagat sakuriling/ tinggal                                          
Sadaya katinggalan
Sami pisan sareng payung
Sunan Ampél pok ngandika

7.      Ka Sunan Bonang rumanis
Kumaha mungguh kang putra
Tinggalan anu sayaktos
Jagat sagedé kumaha
Ti kulon dongkap ka wétan
Ti kalér dongkap ka kidul
Sunan Bonang pok ngandika

8.      Gedéna jagat geus pasti
Ngan sami sareng mandapa
Sakitu katinggalna téh
Henteu langkung henteu kirang
Legana ieu jagat                                                        
Tuluy Sunan Kudus nutur
Mungguh katinggal ku hamba
9.      Jeung balé jagat téh sami
Malah lamun diukur mah
Masih kénéh gedé balé
Sakitu nu katinggal
Sim kuring henteu samar
Coba mangga geura ukur
Nimbalan mantri ….

10.  Ngalahir nuhun jati
Sanés jeung paninggal kula
Mungguh legana jagat téh
Sami sareng pangcalikan
Samalah hareurin pisan
Kula méh teu bisa diuk
Tina kacida heurinna

11.  Gunung/gajah pok ngalahir                                    
Nu némbal pangandikana
Kanjeng sinuhun Cirebon
Mungguhing paninggal hamba
Legana ieu jagat
Sami baé sareng payung
Samalah rubak payungna

12.  Syéh Lemah Abang ngalahir
Mungguh keur paninggal hamba
Sami sareng piring baé
Sakitu legana jagat
Nu enggeus katinggalan
Henteu kirang henteu langkung
Sami sareng piring ajang
13.  Sunan Kali pok ngalahir
Ari sajatina jagat
Mungguh paninggal hamba téh                              
Henteu langkung henteu kirang
Paninggal sayaktosna
Sagedé pedes dibubuk
Sakitu legana jagat

14.  Tinggal banyol anu ngangit
Sanajan tinggal nu maca
Jagat téh kaliwat gedé
Madhab opat wani ngeblak
Kasaksén ku nu réa
Loba leuweung loba gunung
Sagara taya tungtungna

15.  Radén Panji nyaur deui
Nyaéta sang murdaningrat
Anu nuluykeun carios
Saurna para aulia
Ngababarkeun pamendak
Mungguh tinggal kuring kitu                                               
Nu kalawan sayaktosna

16.  Jagat hanteu katingali
Alam dunya teu katara
Tegesna sirna sakabéh
Bohong lamun katingalan
Maké panon sirahna
Sajatina jagat suwung
Leungit na naon nu aya
17.  Sirna kabéh bumi langit
Uwung awang henteu aya
Ka wujudna anu sanés
Ngan Dén Panji Murdaningrat
Nyaéta sing waspada
Ulah aya jalma nurut
Kana omong anu samar

18.  Sadaya saur nu tadi
Henteu ké/nging dicepengan                                  
Sabab ngan ukur persemon
Lain baris patékadan
Aya deui lajuna
Ulah pisan rék kaliru
Sing awas kabéh babasan

19.  Radén Panji nyaur deui
Ka nu ngadangu sadaya
Ka sakur anu mamaos
Sanak kadang kulawarga
Poma sing bisa nampa
Raosna ieu pitutur
Sadaya anu kasebat

20.  Sabab rasiah nu leuwih
Lain paomongan budak
Kudu gurukeun sing saé
Ka jalma nu geus utama
Yaktosna/ nu sampurna                                          
Satemenna basa kitu
Kudu pada naréangan
21.  Éta kanyaho sajati
Pilihan anu uninga
Wantu saur wali kabéh
Sadayana nu kaucap
Nu masih kénéh samar
Sajatining pangaweruh
Hésé sajeroning gampang

22.  Gampang mungguh para wali
Nganggit sagala omongan
Éwuh dinu masih bodo
Saratna mangka waspada
Ulah rék lalawora
Bok bisi urang katungkul
Temahna manjing naraka

23.  Jalma anu tacan ngarti
Ulah rék éra tatanya
Leuwih hadé anu bawél
Ulah/bosen tunyu-tanya                             
Nanya ka nu uninga
Tegesna ka jalma luhung
Diguruan babar pisan

24.  Kocap deui para wali
Nyaéta perbu sasmita
Kadua pangéran saron
Tilu sunan Kertalaya
Jeung sunan Gunung Gajah
Munggang sasinuhun agung
Genep Sunan Pasiraman
25.  Katujuh téh Lemah Abrit
Kadalapan Kalijaga
Salapan Sunan Cirebon
Sapuluh Séh Pisang tanah
Nyaur parabu sasmita
Sadaya anu karumpul
Hayu urang parempagan

26.  Wantu dipindingan deui
Urang ngababarkeun tékad
Teu kénging ku sindir baé                            
Terangkeun mangka pertéla
Urang muka larangan
Ulah rék ngadukeun semu
Saurkeun sakabenerna

27.  Pangéran saron ngalahir
Kersa ngababarkeun tékad
Patemoning salira téh
Hakékatna alam dunya
Hamba terang Yang Sukma
Datullah murba ka wujud
Ngawisésa piambekna

28.  Sunan Cirebon ngalahir
Kersa ngababarkeun tékad
Patemoning salira téh
Enya éta asma Allah
Tapi pinangka tanda
Di dunya hakékat tangtu
Lir satu tina citakan
29.  Sunan Munggang sapalahir
Kersa ngababarkeun tékad
Patemoning salira/ téh                                 
Iman hirup jeung nugerahan
Budi sareng hirupna
Hirup kalawan walingun
Éta kitu tékad hamba

30.  Séh Pisang Tanah ngalahir
Kersa ngababarkeun tékad
Patemoning salira téh
Duanana nyata Allah
Teu aya anu lian
Nya wali jenengan mashur
Sajatina mapan hamba

31.  Séh Datullah ngalahir
Kersa ngababarkeun tékad
Patemoning salira téh
Nya Allah nya Rosulullah
Tapi pinangka tanda
Di dunya ahérat kitu
Waspada ka ahératna

32.  Gunung Gajah pok ngalahir
Kersa ngababarkeun tékad
Panemoning salira téh
Cahya mancur kawas bulan
Jeung/ éta sarangéngéna                             
Maéhan sagala napsu
Ngahirupan kabéh lampah
33.  Séh Lemah Abang ngalahir
Kersa ngababarkeun tékad
Patemoning salira téh
Sujud ruku pada Allah
Sembah sinembah Allah
Hamba ngamurba ka wujud
Ngawisésa jeung hanteuna

34.  Sadaya wali ngalahir
Séh Lemah Abang Qodariyah
Ka Jabariyah éta téh
Séh Lemah Abang ngajawab
Jauh kana benerna
Jeuh deukeut henteu ma’lum
Ieu kuring nama Allah

35.  Ngalahir Maulana Magrib
Mun kitu téh Lemah Abang
Ieu réncang tuan kabéh
Henteu béda sareng tuan
Tuan/ ulah gagabah                                    
Bisi aya nu ngadangu
Karana éta larangan

36.  Nu sanget dipusti-pusti
Teu kénging pisan dibuka
Larangan nu leuwih gedé
Ngaruksak kana agama
Ngaburak tatakarama
Mungguh tékad anu kitu
Nu kudu meunang hukuman
37.  Pirempakna para wali
Ayeuna kumaha kersa
Nu geus kitu tékadna téh
Nyéta ngaruksak agama
Para wali geus rempug
Séh Lemah Abang hukum
Réh salah geus ngaku Allah

38.  Séh Lemah Abang ngalahir
Mangga ontong lila-lila
Suwarga geus buka kabéh
Séh Lemah Abang dipedang
Getihna muncrat-muncrat
Seungit kaambeu malahung                        
Kawas kastori jeung jebad?

39.  Sahabatna Siti Aberit
Sadayana ditelasan
Harita geus maot kabéh
Santeri dua jeung juragan
Nu sami ngaku Allah
Aya hiji anu kantun
Pandakawan ngaku Allah

40.  Majar inya Allah leutik
Muridna Séh Lemah Abang
Hayang ngadédérék maot
Rempugna wali sadaya
Nya kudu dipaéhan
Saréhna santeri geus kukuh
Keukeuh pangakuna Allah
41.  Budak santeri hatur deui
Mangga ulah lila-lila
Suwarga geus buka kabéh
Lawangna geus katingalan
Sumangga énggal-énggal
Réndéngkeun ulah pajauh                           
Jeung guru Séh Lemah Abang

42.  Lastari santeri dipeuncit
Beuheungna geus sapat pisan
Budak santeri seuri baé
Layonna Ki Séh ngandika
Pok majar éta budak
Deukeutkeun ulah pajauh
Jajarkeun sareng kaula

43.  Sunan Ratu pok ngalahir
Lemah Abang teu sapira
Badan tuan weuteuh kénéh
Tilu poé gilang-gilang
Layonna hatur salam
Assalamu’alaikum
Satutasna lajeng sirna

44.  Éta lampah para wali
Misilna kudu téangan
Poma ulah rék sélédér
Néangan ilmu nu nyata
Teu jauh di dirina
Kasebut di unggal suluk                               
Panggiheun anu nonoman
SINOM

1.      Ayeuna gentos carita
Di nagara Malobari
Maharaja Nur Muhammad
Kalangkung digjaya sakti
Sarta kasohor adil
Kocap dina hiji waktu
Anlér para ponggara
Demang Rangga para manteri
Nu di payun Radén Patih Kalamullah
2.      Ngajajar para pandita
Para pangulu jeung naib
Nujum sami ngadeuheusan
Sang Raja lajeng ngalahir
Ka Kalamullah patih
Kumaha ieu geus kumpul
Kabéh para bujangga
Ulama nu ahli ilmi
Matur nyembah Radén Patih Kalamullah

3.      Ngajajar para pandita
Para pangu/lu jeung naib                            
Nujum sami ngadeuheusan
Sang raja lajeng ngalahir
Ka Kalamullah patih
Kumaha ieu geus kumpul
Kabéh para bujangga
Ulama nu ahli ilmi
Matur nyembah Radén Patih Kalamullah

4.      Sunan muhun timbalan raja
Sadayana geus sayagi
Para nujum jeung ulama
Lajeng sang raja ngalahir
Ka sadaya nu hadir
Éh sakabéh para nujum
Miwah para ulamana
Jeung sakabéh para manteri
Per ponggawa déngékeun carita urang

5.      Tadi peuting jam sawelas
Waktu saré kami ngimpi
Kapireng aya sora /                                     
Nu jumegur dina bumi
Sorana liwat leuwih
Saalaheun sora gugur
Henteu aya tandingna
Asa urug bumi langit
Cing kumaha éta naon alamatna

6.      Jeung deui jangji kaula
Saha baé anu ngarti
Bisa nerangkeun impian
Nu kaimpi peuting tadi
Ménak atawa kuring
Nu nyaho dipulung dulur
Dingeunahkeun dirina
Ti awalna sampé ahir
Dimulyakeun sampé ka anak incuna


7.      Sadaya nu ngadeuheusan
Pandita jeung nujum sidik
Miwah para ulamana
Ponggawa jeung para mantri
Taya nu jawab siji/                                      
Sadaya patingpelenguk
Aya siji ulama
Resi Sahadat kakasih
Sor ka payun bari unjukan ka raja

8.      Muga aya jiad raja

9.      Na baruk panduka Gusti
Menggah supena panduka
Soara ngajegur tarik
Éta alamat gusti
Aya pandita nu luhung
Tékadna ngalangkungan
Ngangken Allah nu sajati
Nu katelah namina Séh Abu Nawas

10.  Di puncak gunung matuhna
Keur tatapa nyung sang gusti
Gunung Sukaur namina
Raja kagét nguping warti
Piunjuk Sahadat Resi
Raja Nur Muhammad bendu                                  
Tatapi henteu lisan
Nyaur dina jero galih
Siga naon jalma anu ngaku Allah

11.  Kakara nguping ayeuna
Ditaksir baé ku kami
Ngan kongaskeun kahadéan
Sapédah manéhna sakti
Kawas euweuh lalaki
Raja wuwuh-wuwuh bendu
Maharaja ngandika
Mungguh pakarepan kami
Lamun rempug jeung sakabéh para penggawa

12.  Hadé cuang dilurugan
Ka Sukaur puncak ukir
Kira sabaraha jauhna
[sa ra] Resi Sahadat pok ngalahir
Sumuhun henteu tebih
Tilu dinten ugi cunduk                                 
Tur lempang tumaninah
Ngan di jalan langkung werit
Tina marga nyorang leuweung sapanjangna

13.  Nyorang jurang lebak sakor
Carang jalma anu wani
Marga loba nu kasasar
Sasab henteu nimu margi
Sanajan jin ipri
Teu tahan loba nu wangsul
Sareng pun abu nawas
Maréntah sagala jin
Kapir Islam taraluk ka Abu Nawas


14.  Sareng réa para raja
Nu parantos sami wirid
Ngéstu paréntah Bu Nawas
Raja Sindu Warigaib
Ki Gangsa Nerpati
Sakadang wargana taluk
Raja Kora/ Koripan                                     
Sang Raja Sulah geus wirid
Raja Sulmah Sukaur kabéh ngalalap

15.  Sami mirempag sasmita
Abu Nawas nu diiring
Sadaya miceun saré’at
Karitu tékadna gusti
Raja di atas angin
Bawah angin geus taraluk
Dalit jeung Abu Nawas
Teu sanés sababna gusti
Abu Nawas luhung pisan darajatna

16.  Lahir raja Nur Muhammad
Sanajan kitu gé kami
Panasaran hayang terang
Naha éta geus tingali
Kana usiking ati
Nu jadi kareping batur
Ku saba ti baheula
Ti awit/ keur jaman nabi                             
Tacan aya jalma anu ngaku Allah


17.  Salian Yang Sukma Mulya
Nu murba wisésa leuwih
Ku naha éta Bu Nawas
Kami nyata teu mangarti
Wantu kakara manggih
Nu tékadna luput kitu
Matak sangar nagara
Mana pakarepan kami
Kudu pisan Séh Abu Nawas dirampas

18.  Sabab ngaburak agama
Wajibna dihukum pati
Resi Sahadat pok unjukan
Lamun kitu kersa gusti
Sim abdi langkung ngiring
Jeung abdi gaduh panuhun
Sareng para ulama/                                     
Nyarengan mangkat jeung abdi
Hayang terang raos pait jeung manisna












DANGDANGGULA

1.      Sang Perabu Nur Muhammad ngalahir
Sadawuhna kami ijin pisan
Geura mangkat agé-agé
Jeung kabéh para tumenggung
Miwah rangga demang jeung manteri
Ulama para pandita
Sabaladna maju
Mawa opat pangbéragan
Ki Tumenggung Balayuda kitu deui
Demang murda sangaran

2.      Patih Kalamullah kudu ngiring
Mangka jadi sénapati perang
Ngumendir balad sakabéh
Sarawuh para kaum
Bangsa/ para jago ti malobri                                   
Sagunging kapetengan
Nu gagah nu jamhur
Nu bisa ulah bicara lapad ma’na
Ahli nahu ahli fakih
Saperti Abdurohman








3.      Jeung Ki Ratsid Ki Timuriati
Sabaturna anu geus merdika
Jeung ujung Koripan kabéh
Umar sidik nu mashur
Ki Muhammad nu ahli faqih
Jeung Ki Abdu Salam
Anu ahli nahu
Anu peryoga ngalawan
Abu Nawas nu ngaku Allah sajati
Geuwat geura paéhan

4.      Geus sadia anu baris indit
Resi Sahadat miwara/ngan raja                 
Gancangna budal sakabéh
Sabatur henteu kantun
Kalamullah lir Sénapati
Tumenggung banda yuda
Jeung sanés tumenggung
Pambéragan sadayana
Ki tumenggung
Gajah sangara teu kari
Jeung tumenggung Gajah Layak









5.      Sigeug heula para nujum sidik
Jeung ulama gentos kacarita
Di Gunung Sukaur géhgér
Abu Nawas geus ma’lum
Bakal nyata dilurug jurit
Pandita waliyullah
Paningalna terus
Ulat leres kawarasan
Ngaos /éta                                        
Pananganana dibalik
Ngabrul saparhiyangan

6.      Sétan lembut jeung jin islam kafir
Geus ngadeuheusan
Ka payuneun pandita
Abu nawas nyaur alon
Sakabéh para lelembut
Jeung sakabéh nu bangsa ejin
Anu milu ka urang
Éta kudu rempug
Ulah ngalieuk ka tukang
Maka rempug
Sapapait samamanis
Sabagja sacilaka







7.      Reujeung kabéh masing taringali
Mangké urang bakal kasémahan
Piwarangan raja gedé
Malobari sang perabu
Luluguna sang sahadat/ resi                       
Jeung patih Kolamullah
Miwah para tumenggung
Nujum sidik para ulama
Pangkat demang
Ponggawa jeung para manteri
Rék ngusul patékadan

8.      Tina éta keur pahén kami
Lamun enggeus sakabéh datang
Saruguhan ku maranéh
Kadaharan di gunung
Anu kira teu matak isin
Supaya ulah cua
Teu kasebut dusun
Rada nyima ka nagri
Kadaharan
Ka aya acar guramé
Jeung ka aya pépésan








9.      Pardu pisan nyadiakeun kupi
Mamanisan maké wajit kacang
Katuangan anéh-anéh                                  
Jeung kudu aya madu
Keur unjukeun nu amis-amis
Geus tangtu suka manah
Tanda urang suhud
Nguningakeun kasenengan
Kocap aya puteri putera ejin
Asal nagara Ambar

10.  Ngaran Déwi Ratna Pandansari
Matur gusti ulah rék salempang
Perkawis suguh sémah téh
Sim kuring nu mananggung
Asa moal kawon sim abdi
Najan urang nagara
Sim kuring nu sanggup
Ngan dongkapna ariraha
Éta tatamu
Cunduk ka payunan gusti
Jeung sejana rék naha









11.   Abu nawas ngawalon ka putri
Enya éta sejana rék nyoba
Rék ngabuktikeun kanyaho
Yén/ turut pakon ratu            
Maharaja di Malobari
Jenengan Nur Muhammad
Seja rék ngabunuh
Réhna urang geus kawentar
Enggeus ngaku
Mana Allah nu sajati
Manahna raja héran

12.   Henteu lami sabot dipilahir
Lajeng dongkap piwarangan raja
Resi Sahadat jeung sakabéh
Uluk salam nu rawuh
Geus diwalon salaman manis
Sadaya geus lalenggah
Dén Patih ti pungkur
Resi Sahadat pangpayunna
Abu Nawas gancang harita ngalahir
Sumangga sami lalenggah

13.   Sareng naon pikersaeun gusti
Langkung bungah gamparan darongkap
Kuring hayang énggal nyaho
Su/mangga dipisaur                           
Poma ulah rék inggis-inggis
Ngawalon Resi Sahadat
Anu mawi cunduk
Jisim kuring dipiwarang
Ku Sang Ratu nu calik di Malobari
Naroskeun patékadan
14.  Réh Sang Ratu kénging wartos sidik
Menggah tékad tuwan suhur pisan
Geus ngaku Gusti Sang Manon
Allah nu maha agung
Lamun kitu tuan téh sirik
Ngaburak hukum sara
Doraka ka ratu sabumi
Per sasat nulak qur’an

15.  Abu Nawas lahirna manis
Leres pisan sapanyebut raja             
Moal mungkir kuringna gé
Dasar nyatana kitu
Henteu sanés geus asup dalil
Menggah dina I’tikad
Kaula mah kitu
Montong rék dihalang-halang
Nya kaula nu ngaran Robul’alamin
Pangéran sajagat rat

16.  Resi Sahadat nyusul hatur deui
Maos lapad nukil tina kitab
Malah kitabna sakabéh
Diunggulkeun di payun
Dibukaan sahiji-sahiji
Abu Nawas miarsa
Sor maju ka payun
Curinghak bari buringhas
Nolak cangkéng bari ngusap kumis
Saurna semu ladak

17.  Coba baé ku anjeun digalih
Danget ieu kumaha larap/na                      
Maksudna dalil sakabéh
Kasebut maha Agung
Lah kumaha mungguh narpati
Resi Sahadat ngalahir
Alip lam kasebut
Allah nu leuwih uninga
Menggah pikarepen éta dalil
Jawabeun anu ngarora





















SINOM

1.      Lapad Allah jeung Muhammad
Jongkotna awak pirbadi
Mungguh saksina alip lam
Tegesna jabarna alip
Nyatana awak kami
Ka jérna jenengan wujud
Ka péésna alip téa
Henteu lian awak urang
Jabar lam na laku lampah awak urang

2.      Ka jérna mungguh tahiyat
Ka pésna kaula Gusti
Lamun dikapés emimna
Karep/na kaula jati                          
Ari jabarna emim
Buktina manusa ruku
Tegesna ruku téa
Henteu lian henteu mungkir
Lapad Allah aksarana aya opat

3.      Muhammad reujeung manusa
Nya hurufna masing-masing
Aya opat dina badan
Alip mutalmiwahid
Nya éta ucap kami
Tunggal jadi hiji kumpul
Alip mutakalim wahdat
Éta téh … ngalahir
Bareng nguping ngagebeg sang Resi Sahadat
4.      Bari nyusul sasauran
Lamun kitu yaktos mungkir
Henteu aya nu mangpaat
Tuan ngaku jadi nabi
Abu Nawas ngalahir
Bener ngaran kula kitu
Nyata kaula/ Allah                                      
Nyata nya Allah nya Nabi
Rosulullah nyatana dina sarira

5.      Ngakukeun Allah Muhammad
Kaula nu ngaran nabi
Nya mu’min nya Islam
Henteu pisan mangmang ati
Karana Allah kami
Kaula jatining suwung
Teu ngomong lalawora
Alip lam sareng emim
Emim ehé emin edal emim Muhammad

6.      Elam dalikal kitab
La roaiba sareng pihitah pernah alip nyatana
Nyatana kalawan kami
Sakur omongan dalil
Karana kami geus tangtu
Nu nyieun kalampahan
Henteu liana awak kami
Pati hurip
Nyatana pindah panggonan


7.      Radén Patih Kalamullah/                            
Pok nyaur kalawan bengis
Tékad nu kumaha éta
Pantes ditewek ku keris
Mo burung bijil getih
Radén patih langkung bendu
Dada wani nambaga
Matak sieun nu ningali
Sesemonna radén patih lalak lancang

8.      Saurna téh Abu Nawas
Teges andika kasilib
Sah tékadna teu lumberah
Ngaruksak saré’at nabi
Coba geus meunang idin
Geus tangtu terus dibunuh
Halal manéh dipurak
Jalma tinggal pakon nabi
Tékad kitu nu matak burak agama

9.      Ladak sarua ladakna
Wani sarua wani
Séh Abu Nawas mang/cangah                   
Wangsulan bari mendelik
Pokna téh ieu patih
Kalamullah ngajak rusuh
Ség baé geura coba
Bulu kami moal rigrig
Nulak cangkék Abu Nawas ngadawegan


10.  Jung nangtung bijil ka luar
Nyaur bari tudang tuding
Majarna ulah kapalang
Bisi rék ngadukeun keris
Di dieu pada siji
Atawa érék ngurubut
Séh Abu Nawas
Ihlas geus taya kainggis
Najan datang ka ajal moal perlaya

11.  Patih nangtung bari ngucap
Cua tacan meunang idin
Ti Sang Prabu Nur Muhammad
Tangtu Abu Nawas rajin                             
Séh Umar Sidik nyapih
Jeung Abdul salam ti payun
Sadaya direrema
Resi Sahadat milu nyapih
Abdurahman nu ti tengah ngahadangan

12.  Bari nyaur mangké heula
Rék kumaha Radén Patih
Pan ieu téh musawarah
Geuning kawas budak leutik
Pan eukeur ngurus ilmi
Geus tangtu matak kasiku
Najan aya terka
Nyalahkeun ka ieu ilmi
Abu Nawas maotna moal disiksa


13.  Jeung mun Abu Nawas wapat
Tangtu moal saha deui
Kaula nu katempuhan
Raja mah henteu tingali
Mangké nu dosa pati
Séh Abu Nawas pok nyaur                          
Najan dongkap ka wapat
Suka rido lahir batin
Lajeng maca dunga qoblu jeung istigfar

14.  Sanggeus tamat maca du’a
Andika téh nu caralik
Hayu urang sasauran
Saméméh sampéan mulih
Menggah raja utami
Sanajan loba panimu
Mun ngagugu carita
Geus tangtu cilaka diri
Lamun urang nyekel asma Allah

15.  Éta lapad reujeung ma’na
Teu deukeut teu jauh deui
Sanyatana lapad éta
Nu mawa ma’na pribadi
Cék anu ahli ilmi
Teu ata anu ka/ma’lum                               
Nanging éta ngaranna
Kana akal rasa jati
Nya néangan jalma nu terus ningalna


16.  Kaula ngan darma ngucap
Kaayaan diri kami
Éstu ngangken rasaning dat
Mapan nyatana nu hurip
Éta sipat sajati
Heteu aya anu luput
Lamun urangna lunta
Geus tangtu nurutkeun deui
Sama basar nepi ka ilmuna pisan

17.  Jeung sampéan henteu béda
Sabab mungguh anu hurip
Enggeus aya tersandana
Téangan mangka kapanggih
Ulah rék ngeunah cicing
Mangka timu meungpeung hirup               
Ceuk saur nu geus terang
Teu béda jeung nu ningali
Seneng pisan matak hayang kagantian












KINANTI

1.      Kinanti nuluykeun saur
Resi sahadat barang nguping
Harita lajeng unjukan
Naros tékad nu sajati
Mungguhing ayeuna tuan
Cék pandita taya deui

2.      Baréto ayeuna kitu
Tunggal jaman awak kami
Jauh jeung deukeut nyatana
Mungguh iyeu awak kami
Nya Allah nya Muhammad
Nya nabi nya wali
3.      Nya rasa nya rasul
Nyata sisikepan ilmi                                     
Nyata haneutna Muhammad
Nya payung kami Ilahi
Rasa sarining sahadat
Leupas Allah jero ning ati

4.      Jatining manusa kitu
Enya éta roh idopi
Hirup henteu keuna wapat
Kanyataan dat Yang Widi
Éta nu ngaran salira
Reujeung sampurnaning hurip



5.         Sarira jatining suwung
Ari suwung nyata sepi
Sepi téh tegesna hilang
Ari hilang teu ningali
Basar teu ningali padang
Nanging kersana pribadi

6.         Resi Sahadat nyusul saur
Lamun kitu yaktos mungkir
Henteu aya nu/mangpaat                              
Reujeung saréatna nabi
Abu Nawas pok ngajawab
Tegesna saré’at nabi

7.       Éta patemoning wujud
Reujeung ieu lisan kami
Nu ngaran ilmu tarékat
Patemoning lisan kami
Tepung jeung ati kaula
Ari hakékating ilmi
8.       Tegesna tepungna kalbu
Nya ati jeung eroh kami
Ari nyataning ma’rifat
Patepungna roh kami
Nyaéta reujeung Yang Sukma
Geus nunggal jadi sahiji

9.       Tegesna saréat wujud
Jeung tarékat lisan kami
Hakékat ati kaula
Ma’rifat nya hurip kami                                 
Kitu tékad nu sampurna
Satemenna euweuh deui
10.  Némpél kana lima ng waktu
Ngadeg marga asal api
Laim seuneu keuna ng ruksak
Lain seuneu batu api
Lain seuneu piruaan
Lain seuneu waja beusi
           
11.  Lain seuneu anu hurung
Lain seuneu tina kai
Nyatana jati ning napas
Nyata pangawas cepil
Nya sipat sama tegesna
Lampah handap asor diri

12.  Ari asal angin ruku
Lain angin tingsiliwir
Lain angin timur barat
Lain angin matak tiris
Jatining angin na napas                               
Aya dina jero jisim

13.  Tegesna tarékat kitu
Ari sujud asal cai
Lain cai sambarangan
Lain cai tawar asin
Kanyataan éta anpas
Hakékat lampahing ati




14.  Ba’da sujud lajeng lungguh
Éta asal tina bumi
Lain taneuh tegal sawah
Lain taneuh porang pasir
Lain teneuh cadas gempal
Lain taneuh owah gingsir

15.    Sajatina taneuh nupus (maksudna napsu)
Urang téh kudu mangarti
Anu mawi napsu téa
Kabéhna opat perkara
Kudu timu pernahna
Ngaranna sahiji-hiji                                      

16.  Lowa mah nu dina sungut
Amarah nu dina ceuli
Nu dina panon sawiyah
Mutmainah anu calik
Dina pangambung ayana
Disebutna kaul sidiq

17.  Malaikat nanya kitu
Dina sungut Jabarail
Minkail dina talingan
Nya tegesna dina ceuli
Isropil nu dina soca
Dina pangambung Ijeroil




18.  Éta kakasih Yang Agung
Malaikat mukarobi
Nya anu geus disebutna
Jeung perenahna siji-siji
Tumerapna di manusa
Cék kula mah enggeus yakin

19.  Nu matal ilmu Yang Agung                         
Ayana opat perkawis
Saréat sareng tarékat
Hakékat ma’ripat keding
Tumerap dina salira
Ti lahir terus ka batin

20.  Nu kasebut bumi tujuh
Geura itung masing sidik
Bumi éta mimitina
Rék dijieun tujuh lapis
Jatina di awak urang
Nya tina tujuh perkawis

21.  Hiji awak kami wujud
Kaduana badan kami
Tiluna nya jasad urang
Kaopatna jisim kami
Kalimana jiwa urang
Kagenepna raga kami




22.    Jejegna anu tujuh
Nyaéta salira jati
Jeroning salira padang
Bé/ak bumi tujuh lapis                                 
Resi Sahadat pok haturan
Éta saur teu ngajadi

23.  Mana deui nu kasebut
Ngaran langit tujuh lapis
Ayeuna ulah kapalang
Terangkeun sama sakali
Cék Abu Nawas sumangga
Tangtu dibijilkeun deui


















MIJIL

1.      Bangsa luhur sanyatana langit
Tina sabab eroh
Aya tujuh réana sakabéh
Nu mimiti ngaran roh nabati
Dua roh héwani
Ari nu katilu

2.      Enya éta ngaran roh jasmani
Kaopatna eroh
Nu di/sebut rohani éta téh                          
Kalimana ngaran roh robani
Kagenep roh idopi
Katujuh roh kudus

3.      Saluhureun roh kudus geus sepi
Teu aya nu témbong
Enggeus buntu teu aya nu séjén
Éta kitu urusan bab langit
Nyata taya deui
Bangsa anu luhur

4.      Resi Sahadat nyusul hatur deui
Semu ngolo-ngolo
Ngangken jati naon gentosna téh
Mun disebut Robbu ‘samawati
Jeung wama fil’ardi
Bu Nawas ngawangsul


5.      Éta nebar nyenyebut/ ka kami                     /
Wélan henteu bohong
Mapan urang nu nyieun sakabéh
Teu kawalan maké parabot deui
Ngan ku basa kami
Ucap kun fayakun

6.        Resi Sahadat pok ngalahir deui
Mapadonan omongan
Lamun éstu saur andika téh
Meureun tetep moal owah gingsir
Tuan ditingali
Henteu owah saur

7.      Abu Nawas pok ngalahir deui
Mungguhing Yang Manon
Rasa kami tetep langgeng déwék
Omong kami tetep dina biwir
Waktuna ngalahir
Henteu owah/saur                                       

8.      Panon kami geus tetep ningali
Laku suku ongkoh
Leumpang suku katuhu jeung kédé
Leungeun nyekel nu ngadéngé ceuli
Sakabéh geus bukti
Anu ngambeu irung




9.      Birit kami katetepan linggih
Héés nya ku panon
Resi Sahadat masih ngaweweléh
Sanajan kitu masih baé gingsir
Sadayana sisip
Abu Nawas nyaur

10.  Rasa manéh pasti henteu gingsir
Ngadéngékeun omong
Éta tetep dina rasa déwék
Lebah mana disebutna gingsir                     
Teu owah teu gingsir
Da tunggal sawujud

11.  Resi Sahadat pok ngajawab deui
Coba rék disonggol
Tangtu pisan tuan téh kajembél
Sabab anyar masih jiwa jisim
Bu Nawas ngalahir
Coba lamun kitu

12.  Kami moal beunang mun digaris
Dibedil geura wor
Ulah deui mun digaris baé
Sanajan jariji jeung cinggir
Mo keuna ka kami
Geus tangtuna luput




13.    Sabab ieu nyata bangsa qodim
Teu senang dijogol
Asa tanggel beunangna kami/ téh              
Coba baé lamun enya wani
Ulah inggis-inggis
Resi Sahadat maju

14.  Bek ditonjok Bu Nawas teu gingsir
Tapi teu kagepok
Kawas nonjok kalangkangna baé
Tanjak-tunjuk ka hareup ka gigir
Bu Nawas teu gingsir
Sanyatana luput

15.  Radén Patih Kalamullah indit
Niatna ngajotos
Gaberug nuberuk
Weléh teu katoél
Radén patih nyekel bari narik
Bu Nawas teu gingsir
Ongkoh umat imut

16.  Mana horéng tanganna pirbadi                   
Geus rep diborogod
Radén patih ngaraos kaweléh
Cék manahna Abu Nawas sakti
Ilmuna geus jadi
Manderaguna punjul



17.   Abdusalam jeung Ki Umar Sidik
Kabéh ngararontok
Tapi weléh teu bisa noél
Abdulrahman sareng Abdurosid
Ilmuna teu mahir
Patutna marintul

18.     Para nujum sadaya nu arip
Ulama karapok
Henteu kuat ngalawan kasaktén
Abu Nawas pok ngalahir deui
Cik coba ku bedil
Ulah tuna laku

19.     Kerid/ kabéh urang Malobari            
Mangkana ngarampog
Taringalkeun ku sadaya baé
Malaikat nu ngajada kami
Ti hareup ti gigir
Puluh-puluh ribu

20.   Para nu nujum pandita nu alim
Kasakténa asor
Radén Patih keukeuh kénéh baé
Abu Nawas nya kudu dibedil
Bu nawas teu gingsir
Némbal bari imut

21.     Ti tadi gé coba geura bedil
Sarta maké pélor
Jeung diambereg ku sakabéh baé
Abu Nawas moal aya gingsir
Malah wuwuh manis asa rasa madu
DANGDANGGULA

1.      Radén Patih Kalamullah bengis
Abu Nawas kudu dipaéhan
Ku pakarang kabéh baé
Sanajan sakti punjul
Enggeus mashur taya nu nanding
Tatapi panasaran
Kami moal mundur
Tangtuna lingsem ku raja
Gedén-gedén ponggawa jeung pangkat patih
Nangkep jalma henteu beunang

2.      Radén patih lajeng nyandak bedil
Ditojokeun ka séh Abu Nawas
Bedil diwengkang mérébét
Ngawengkang bari nyaur
Geura nyambat ka kadang wargi
Mangka pas/rah ka Allah
Nyauran nu Agung
Ku urang rék dipaéhan
Abu Nawas gumujeng bari ngalahir
Geura ség baé coba








3.        Tangtu luput manéh téh ngabedil
Dibeunangna mo liwat kalangkang
… obat baé
Obatna beunang nganjuk
Patih séwot geus dur ngabedil
Sorana sada …
Mimisna murubut
Di payunan Kalamullah
Héran dina manah Radén Patih
Nyata jadi lantaran

4.      Ngarampuyuk Séh Patih ngalahir
Abu Nawas jisim kuring tobat
Ayeuna seja ngadérék
Marga saumur hirup
Tacan/ aya jalma nu sakti                           
Cara kasaktén tuan
Nya saéstu punjul
Numawi kuring ayeuna
Seja naros ngangken guru nu sajati
Ngalap ilmu nu nyata

5.      Abu Nawas ngalahirna manis
Bener pisan Patih Kalamullah
Tina sabab pantes ogé
Manéh jeung kami kitu
Lir upama ombak jeung cai
Ngajadina sagara
Kasebutna laut
Ombak jeung cai teu pisah
Nurut karep sagara nyatana siji
Resi Sahadat haturan
6.       Lah kumaha kuring tacan ngarti
Saterangna kakuatanana                                 
………………(Teu kabaca, tinta tembus)

Moal enya dingaranan deui
Tina sabab teu aya buktina
Nyaéta namaning dat téh
Teges ngaran panyebut
Upamana anu sajati
Jadi sipat pangéran
Sajatining ilmu
Tingkah polahna nya nunggal
Asma manéh éta tunggal kersa kami

7.       Ulah nyegah karep …
Turutkeun sakarep
Kurang … sering nyaring
Ngarasa masih kurang
Ingetna kana jamparing

………….abus
Lulus teu inget nu geulis
Tungtungna réa nu welas
Jongjon ngaji jongjon nulis
Nulis dirina sing awas
Éntép ulah pabuis

8.       Di luhur tenggeus kasebut
Napsu nu opat perkawis
Nyaéta nu sok ngagoda
Ngajak kana laku sisip
Watek amarah lowamah
Sawiyah mah aya manding
9.      Ari nu kaitung alus
Ngan mutmainah peribadi
Nu tilu kudu dijaga
Émut sabeurang sapeuting
Dipisah mah hanteu beunang
Ngan kudu jadi sahiji

Supayana jadi wungkul
Ngémutkeun élmu sajati
Ngaleungitkeun manah samar
Nafsu amarah sing diri
Ganti ku sabar tawekal
Kitu nu geus paham ilmi

TAMAT

Tidak ada komentar:

Posting Komentar

Langganan: Postingan (Atom)